Ошто Түркиядан мыйзамсыз ташылып келаткан 6,6 миллион сомдук дары аныкталды

Ошто Түркиядан аткезчилик менен ташылып келе жаткан 6 миллион сомдук дары-дармектер аныкталды. Бул тууралуу Мамлекеттик бажы кызматынан билдиришти.

Маалымдалгандай, "Стамбул-Ош" аба каттамында келе жаткан Өзбекстандын Э.А. аттуу жаранынын жанынан дары-дармек товары аныкталган.

Кармалган товардын орточо базар баасы 6 миллион 634 миң 759 сомду түзгөн.

Учурда аталган факты тиешелүү органдарда каттоого алынды. Материалдар Ош облусунун прокуратурасына өткөрүлүп берилип, учурда Ош облустук сотунун өндүрүшүндө турат.

Автор: Максуда Кудайбердиева