Атактуу мушкер Фёдор Емельяненко Майк Тайсонду беттешке чакырды

Аралаш мушташ боюнча легендарлуу мушкер Фёдор Емельяненко мурдагы талашсыз дүйнө чемпиону Майк Тайсон менен бокс беттешин өткөрүүнү каалайт. Бул тууралуу чет элдик спорттук басылмалар жазышты.

Маалыматка ылайык, 46 жаштагы Емельяненко 57 жаштагы Тайсондун абалы азыр жакшы жана атаандаштыкта жарата алат деп эсептейт.

"Мен үчүн ММА 100 пайыз бүттү, эми кайтып барбайм. Мен өзүмдү боксто сынап көргүм келет. Кызыктуу болот деп ойлойм. Биз Рой Жонс, Майк Тайсонду сыналгыдан көрүп келдик. Майк Тайсон менен мушташуу мага кызыктуу болмок. Анын аты чоң, ал легенда. Ал дагы деле жакшы формада. Ал дагы деле ошол эле күчкө ээ. Мен аны менен беттешүү мүмкүн болсо, сөзсүз аткармакмын, мен буга даярмын", - деген Емельяненко.

Фёдор Емельянко акыркы беттешин ушул жылдын февраль айында өткөргөн. Анда ал 40 жаштагы америкалык Райан Бейдерге техникалык нокаут менен утулуп калган. Ал эми Майк Тайсон 2005-жылдан бери расмий беттештерге чыга элек.

Автор: Азат Бейшенбеков