Шашылыш билдирүү! Өлкөдө сел жүрүшү мүмкүн

Алдыда күтүлүп жаткан жаан-чачынга байланыштуу өлкө аймагында сел жүрүшү мүмкүн. Бул тууралуу Өзгөчө кырдаалдар министрлиги эскертип, шашылыш билдирүү таратты.

Белгиленгендей, 12-14-август күндөрү туруксуз аба ырайына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү ыктымал.

Ошол себептен коопсуздук иш-чараларды сактап жергиликтүү калктын жана мекемелердин, ишканалардын, уюмдардын (менчигинин түрүнө карабастан) күч-каражаттарын тартуу менен арыктарды, суу өткөрүү түтүктөрүн жана ошондой эле дренаждык түйүндөрдү тазалоо иш-чараларын жүргүзүү зарыл.

Автор: Максуда Кудайбердиева