Бишкекте түндө ири өрт чыкты. Өрт толук өчө элек (фото)

Бишкекте бүгүн, 14-августка караган түнү ири өрт чыкты. Бул тууралуу Өзгөчө кырдаалдар министрлиги маалымдады.

Тилсиз жоону өчүрүүгө алгачкы күжүрмөн эсеп саат 00:31де буга кошумча дагы 4, жалпысынан 5 күжүрмөн эсеп, штаб тартылган.

Мындан сырткары ИИМден 2 экипаж жана РЭТтен 1 бригада жеринде иштөөдө.

Өрт өчүрүүчүлөрдүн күжүрмөн аракети менен тилсиз жоо саат 01:32де чектөөгө алынып, учурда толук өчүрүү иштери жүргүзүлүүдө.

Белгилей кетсек, 14-августка караган түнү Бишкек шаарынын Свердлов районуна караштуу Саадаева менен Орозова көчөлөрүнүн кесилишинде "Сары-Таш" соода борборунун жанында жайгашкан контейнерден өрт чыккандыгы тууралуу маалымат түшкөн.

Министрлик өрттү өчүрүүнүн жүрүшүнөн кошумча маалымат берилерин билдирди.

Автор: Азат Бейшенбеков
Фото: ӨКМ