Ошто Таиланд жана Англиядан келген туристтердин унаасы бузулуп калган. Аларга жардам көрсөтүлдү

Жол кайгуул кызматкерлери Таиланддан келген туристтерге жардам көрсөтүштү. Бул тууралуу Жол кыймылынын коопсуздугун камсыздоо башкармалыгы билдирди.

"Таиланд жана Англиядан келген туристтер Кыргызстандын тоолу аймактарын кыдырып жүрүп, Ош-Бишкек унаа жолунун 451-чакырымында унаасы бузулуп, бир нече күндөн бери унаасын оңдой албай туруп калышкан. Аларды Жалал-Абад облустук Жол кыймылынын коопсуздугун камсыздоо бөлүмүнүн кызматкерлери көрүшүп, бузулуп калган унаасын Таш-Көмүр шаарына чейин кошумча техника менен сүйрөп келип беришкен. Ал эми, туристтерге тамак-аш, суусундуктарды алып беришкен", - деп билдиришти башкармалыктан.

Өз кезегинде туристтер жол кыймылынын коопсуздугун камсыздоо кызматкерлеринин көрсөткөн жардамын бийик баалап, рахматын айтып ыраазычылык билдиришкен.

Автор: Азат Бейшенбеков