Монголиядагы Азия чемпиондугунда тогуз коргоол боюнча кыргыз спортчулары 4 медаль жеңди

Монголияда 4-августтан 12-августка чейин тогуз коргоол боюнча Азия чемпиондугу болуп өттү. Бул тууралуу Бишкек шаардык мэриясынан билдиришти.

Маалым болгондой, Азия чемпиондугу 14 жана 19 жашка чейинки улан-кыздар арасында, ошондой эле чоңдор арасында "стандарт", "блиц" жана "рапид" категорияларында өткөрүлдү.

"Кыргызстандын атынан жалпысынан 32 спортчу катышты, алардын ичинен 5 олимпиадалык резервдеги спорттун улуттук жана стол үстүндөгү түрлөрү боюнча адистештирилген балдар-өспүрүмдөр мектебинин тарбиялануучулары.

"Стандарт" категориясында Сейдахматов Байымбет биринчиликти багындырды. Сагыналиева Гүлайым коло медаль тагынды. Ал эми "Блиц" категориясында Кудайбердиев Марсель жана Асанкулова Эркежан коло медалдарды жеңип алышты", - деп жазылат маалыматта.

Автор: Каныкей Амантаева
Фото: Бишкек шаардык мэриясынын басма сөз кызматы