Бишкекте маршруткадан өспүрүмдүн акчасын тартып алууга шектелген жаран кармалды

Бишкекте тоноого шектүү жаран кармалды. Бул тууралуу бүгүн, 18-августта Биринчи май райондук ички иштер башкармалыгынан билдирди.

Маалымдалгандай, 16-август күнү милицияга Т.А. аттуу жаран арыз менен кайрылган. Ал арызында түнкү саат 23:00 чамасында кичи автобустун биринде анын жашы жете элек инисинин сумкасынан 4 500 сом акча каражатын ээлеп алган белгисиз адамга чара көрүүнү суранган.

Аталган факты боюнча Кылмыш-жаза кодексинин 206-беренеси (Тоноо) менен кылмыш иши козголгон.

Ыкчам-издөө иш-чараларынын жыйынтыгында, шектүү катары 2003-жылы туулган К.А. кармалып, убактылуу кармоочу жайга киргизилген.

Учурда тергөө иштери жүрүп жаткандыгы айтылды.

Автор: Айпери Бакталбек кызы
Фото: Биринчи май РИИБ