Нурмат Садыров: “Күйөрмандарымдын баарын Супер концертке чакырам”

Мына, жыл жыйынтыгын чыгарчу Супер концертке саналуу гана сааттар калды. 13-14-декабрда Улуттук филармонияда өтчү жарышка жылдын мыктылары кандай даярдык көрүшүүдө? Концерт алдынан жылдыздардын даярдыгына кызыгып байланышка чыктык.

"Мен сүйгөн менен пайда жок" ыры менен "Жылдын супер ыры" наамына ат салышып жаткан ырчы Нурмат Садыров "Атаандаштарымдын оңой кишилер эмес экени белгилүү эмеспи. Андыктан мен жеңгенге да, жеңилгенге да даярмын. Менин кубанганым эл менин ырымды жактырып угуп, хит кылганы.

Азыркы тапта атайын Супер концерт үчүн сатып алган формамды үтүктөп жатам. Эми ийгилик кимге жылмаяры концертте билинет да. Андыктан бардык күйөрмандарымды Супер концертке чакырам" деп билдирди.

Автор: Дамира Арстанова