Бишкекте таштандыны туш келди таштагандарга 180 миң сомго жакын айып пул салынды

Бишкек шаарынын мэриясына караштуу Көрктөндүрүүнү контролдоо боюнча муниципалдык инспекциясы шаардын көркүн бузуп, таштандыларды туш келди ыргыткандарга 179 миң сом өлчөмүндө айып салды. Бул тууралуу бүгүн, 22-августта шаардык мэриядан билдиришти.

Маалыматка ылайык, кечээ, 21-август күнү шаарда пландуу рейд жүргүзүлгөн. Рейддик иш-чаранын жыйынтыгында шаардын көрктөндүрүү эрежелерин сактабагандарга каршы 13 протокол түзүлүп, жалпы 179 миң 500 сом өлчөмүндө айып пул салынганы айтылды.

Айып пул салынгандар:

- "Аманат Строй" ЖЧКсына 23 000 сом.
- "Бакча куту" ТЭШ 13000 сом.
- "Дзен Соул Лук" АК 13 000 сом.
- "Борсан Констракшн" ЖЧКсы 23 000 сом.
- "Кей Си Ай Групп" ЖЧКсы 23 000 сом.
- "Таш-Темир" ААКсы 23 000 сом.

Мындан тышкары бир катар жеке ишкерлерге 13 миң сомдон, калаа тургандарына 7500 сомдон айып пулдар салынган.

Автор: Жанбулат Жумабеков
Фото: Бишкек мэриясы