Президенттик "Акылман" лицейине 75 окуучу тандалды

2023-2024-окуу жылына карата "Акылман" президенттик лицейине 75 окуучу тандалды. Бул тууралуу Билим берүү жана илим министрлигинин басма сөз кызматы билдирди.

Маалым болгондой, ушул жылдын 15-августунан 22-августуна чейин жүргүзүлгөн тандоо сынагына өлкө боюнча 1 миң 220 окуучу катышты.

Тандоо экзаменинин жыйынтыгы боюнча тандалган окуучулардын саны:

- Бишкек шаары -3;

- Чүй облусу - 9;

- Ысык-Көл облусу - 8;

- Нарын облусу - 5;

- Талас облусу - 3;

- Жалал-Абад облусу - 17;

- Ош шаары -3;

- Ош облусу -18;

- Баткен облусу - 9;

Лицейге бардык региондордон, ошондой эле аз камсыз болгон үй-бүлөлөрдүн жана калктын башка аярлуу категорияларынан таланттуу балдар тандалып алынганы маалымдалат.

Автор: Каныкей Амантаева