УКМК кыргызстандыктарга кайрылуу жасады (видео)

Улуттук коопсуздук мамлекеттик комитети кыргызстандыктарды салттуу исламды карманууга, радикалдуу жана салттуу эмес агымдардан алыс болууга чакырат.

Мекеменин басма сөз кызматынан билдиргендей, УКМК “Диний чөйрөдөгү мамлекеттик саясаттын концепциясын” ишке ашыруунун алкагында, коомдун радикалдашуусунун алдын алууга багытталган тиешелүү иш-чараларды жүргүзүүдө.

Атайын кызмат Кыргызстандын айрым жарандары, Кыргызстандын калкы үчүн салттуу эмес диний агымдардын принциптерин карманган башка өлкөлөрдө билим алып келип, мыйзамдуулуктун чегинен чыгып кеткен айрым диний агымдардын идеологияларын жайылтып жатканын белгилейт.

"Жыйынтыгында коомдо өздөрүнүн тар түшүнүгүнүн принциптеринин негизинде жана белгилүү ислам аалымдарынын окууларын тааныбаган айрым диний топтор пайда болуп, ошону менен башка динге ишенгендерге пайда болууда. Салттуу эмес "Салафия" диний агымынын үгүтчүлөрү, намаз окуп жатканда катуу үн менен "Ааминь" деп кыйкырып, буттарын өтө кең жайышат, "такбирде" колдорун көкүрөк деңгээлине гана көтөрүшөт, ошондой эле намаз учурунда алар ханафий масхабынын нормалары боюнча кабыл алынгыс көптөгөн керексиз кыймылдарга жол беришет.

Ушуга байланыштуу мындай адаттан тыш агымдардын алдын алуу үчүн УКМК жана Кыргызстан мусулмандарынын дин башкармалыгы элибизди сергек болууга жана диний билимди ишенимдүү булактардан, белгилүү диний ишмерлерден алып, диний сабаттуулукту өнүктүрүүгө чакырат", - деп айтылат билдирүүдө.

Видео: УКМКнын маалымат кызматы

Автор: Бек Оморбеков
Фото: УКМКнын басма сөз кызматы

11:06 29-08-2023

Жазылуу

РУБРИКАДАГЫ СОҢКУ КАБАРЛАР

23:46 2025-07-18 | Түркүн дүйнө

Казакстандык дипломат аялын сабаганы үчүн 6 жылга эркинен ажыратылды 427 0

23:35 2025-07-18 | Коом жана турмуш

19-июлга карата аба ырайы 278 0

22:56 2025-07-18 | Кылмыштар, кырсыктар

Аскердеги өлүм: Жоокердин үй-бүлөсү чындыкты талап кылууда 1025 0

22:04 2025-07-18 | Коом жана турмуш

19-20-21-июль күндөрү Бишкектин айрым аймактарында жарык өчүрүлөт (тизме) 511 0

21:33 2025-07-18 | Саясат

Алмамбет Шыкмаматов Мамлекеттик салык кызматынын төрагасы болуп дайындалды 2027 0

20:56 2025-07-18 | Саясат

Алмаз Салиев Мамлекеттик бажы кызматынын төрагасы болуп дайындалды 1089 0

Архив

Комментарийлер (3)

Asyl27

2023-08-29 11:25:00

Динди бироого танылоо - бул арам. Ар кайсы диний жомокторго ишенбегиле.

Asyl27

2023-08-29 11:37:00

Динди кармануу так илимге, билимге, акыл-эске жана сабырдуулукка негизделиши керек. Логикага туура келбеген диний догмаларга ишенүү, жашоону бир жактуу гана көрүү - бул чыдамсызды, башкаларды жек көрүүнү туудурат. Диний чыдамсыздык, динге мажбурлоо - бул арам нерсе.

Рахманбек

2023-08-29 13:54:00

Эн туура, динге козомолду катуу кылыш керек, уйундо 5,6 адамды же кошуна колонду чогултуп алып окуткандарга мыйзам менен тыйуу салуусу керек. Кочодо коруп калам, тааныбаган эле адамдар даават кылып журот, алардын кийингени ( Кыргызстанда террористтик уюм деп табылган Талибандын) кийимдерине окшош, ошондой кийингенге тыйуу салып, ал эми даават кылганда алдын ала УКМК тарабынан берилген уруксат кагазды корсотуп анан даават, насааттарын баштаса соонун болмок.

Комментарий калтыруу үчүн өз ысымыңыз менен кириңиз же каттоодон өтүңүз.