Эртеңкиге карата аба ырайы тууралуу маалымат

Эртең, 30-августта өлкөнүн тоо этектеринде жана тоолуу райондорунда жаан жаап, күн күркүрөшү мүмкүн. Ал эми башка аймактарда жамгыр жаабайт. Бул тууралуу Кыргызгидромет борбору маалымдайт.

Абанын температурасы:

Чүй аймагында түнкүсүн +11…+16, күндүз +27…+32 градус;

Талас жергесинде түнкүсүн +6…+11, күндүз +25…+30;

Баткен, Ош, Жалал-Абад дубандарында түнкүсүн +12…+17, күндүз +28…+33 даражага чейин жетет.

Ысык-Көл облусунда түнкүсүн +8…+13, күндүз +21…+26 даража болот.

Нарын аймагында түнкүсүн +4…+9, күндүз +22…+27 градус жылуу болот.

Ал эми борбор калаада Бишкекте жаан жаабайт. Абанын температурасы түнкүсүн +13…+15, күндүз +30…+32 градус жогору болот.

Батыштан соккон шамалдын ылдамдыгы секундасына 4-9 метрге чейин жетет.

Автор: Максуда Кудайбердиева