Баткенде чек ара аймагында иштеген энергетиктерге атайын унаа тапшырылды

Баткенде энергетиктерге жаңы унаа берилди. Бул тууралуу бүгүн, 30-августта Баткен электр тармактар ишканасынын маалымат кызматынан билдиришти.

Маалым болгондой, Баткен электр тармактар ишканасынын директору Каланбек Маркаев чек ара аймакта иштеген энергетиктерге жаңы Соболь унаасын тапшырды.

Белгилей кетсек, 8-августта энергетика министри Таалайбек Ибраев өлкөнүн жети облусундагы электр тармактар ишканаларына жалпы 11 даана жаңы унаа тапшырган. Алардын ичинен 1 Соболь жана 1 экскаватор унаасы Баткен электр тармактар ишканасына берилген.

Автор: Гүлкайыр Абдиманнап кызы