Кыргызстанда TikTok'ту колдонууга тыюу салынат

Кыргызстандын аймагында Tik Tok кызматын жайылтуу ишин токтотуу жөнүндө чечим кабыл алынды. Бул тууралуу Маданият, маалымат, спорт жана жаштар саясаты министрлигинен билдиришти.

Маалым болгондой, министрлик аталган социалдык тармактын контентине мониторинг жүргүзүп, Tik Tok платформасын колдонууда балдардын ден соолугуна жана өнүгүүсүнө зыян келтирүүчү маалыматты чектөөлөр жана курактык категорияны контролдоо функциялары киргизилбей жатканын аныктаган. Буга байланыштуу аталган платформанын ишин токтотуу тууралуу чечим Санариптик өнүктүрүү министрлигине жөнөтүлгөн.

Министрликтин маалыматына караганда, бир катар бейөкмөт уюмдар Tik Tok социалдык тармагынын балдардын психикалык өнүгүүсүнө жана ден-соолугуна тийгизген терс таасирине байланыштуу тынчсызданып кайрылышкан.

"Tik Tok колдонуучуну кыска клиптердин виртуалдык дүйнөсүнө батырат, аларды көргөндөн кийин өспүрүмдөр тигил же бул клиптерди кайталоого аракет кылышат, алардын айрымдары балдардын өмүрүнө коркунуч туудурат. Мындан тышкары, балдардын жаңы калыптанып келе жаткан психикасы али туруктуу эмес, мындай контент көз карандылыкты жаратып, өсүп келе жаткан муундун эмоционалдык абалына терс таасирин тийгизет",- деп айтылат маалыматта.

Эске салсак, TikTok социалдык тармагы 2018-жылы кытайлык "ByteDance" компаниясы тарабынан иштелип чыккан. Аны 150 өлкөдө 1 миллиарддан ашык адам колдонот. Аталган социалдык тармак кыска видеолорду бөлүшүүгө арналган алдыңкы видеоплатформа болуп саналат.

Автор: Ширин Марат кызы

14:10 30-08-2023

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (7)

Jigitaliev95

2023-08-30 14:48:00

Эн соонун жанылык колдойбуз бир отоло жаап салсын жок болуп кетсин тикток

Рахманбек

2023-08-30 15:35:00

Эн туура. Жаап салгыла таптакыр

Blueaffair

2023-08-30 16:30:00

Эн сонун

Asyl27

2023-08-30 16:38:00

Тик ток адамдар бири бири менен баарлашып, пикир алмашып, ой болушуп, пикирин элге жеткизе турган тиркеме. Кыскасы бир адамдын ою менен Кыргызстанда жуз миндеген адамдардын бизнесин, баарлашуусун жок кылбаш керек. Кимге жакпаса болгону ачпай эле коюш керек. Биз тик токту жапканга каршыбыз. Тик ток аркылуу чет олкодон бизнес кылгандар отоо коп.

-1

Azat-123

2023-08-30 17:12:00

Asyl27 Ватсап аркылуу баарлаша бер

Uri24

2023-08-30 19:19:00

Кыргызстанга тик ток эмес, бийликтеги коррупция, үй бүлөлүк башкаруу саясаты коркунучтуу. Тик ток менен жүз миңдеген адамдар ар кандай темада ой пикир алышат. Эми алардын мындай мүмкүнчүлүгүн тебелеп жатышат кыргыз бийлиги. Кыскасы Садыр Жапаров жыргатпайт.

Uri24

2023-08-30 19:20:00

Тик токтун жабылганы Кытайга жаман, бирок АКШга жагат.

-1

Комментарий калтыруу үчүн өз ысымыңыз менен кириңиз же каттоодон өтүңүз.