ЖККУнун Беларустагы машыгуусуна Кыргызстан да катышууда

Беларустун Брест шаарында ЖККУнун "Күжүрмөн боордоштук — 2023" деп аталган окуу-машыгуусу башталды. Ага Кыргызстан да катышып жатат. Бул туурасында өлкөнүн Коргоо министрлиги билдирди.

Маалымдалгандай, өлкөнүн Куралдуу Күчтөрүнүн аскердик контингентистратегиялык-оперативдик машыгууга катышуу үчүн Беларуска 27-августта барган.

Машыгууга Кыргызстандан тышкары Армения, Беларусь, Казакстан, Орусия жана Тажикстан катышууда.

Иш-чара 6-сентябрга чейин уланат. Ага жалпысынан 2,5 миң аскер кызматкери, 500дөн ашуун курал-жарак жана аскердик атайын техника тартылды.

Генерал-майор Андрей Матиевичтин жетекчилиги алдында "Өз ара аракеттенүү — 2023", "Издөө — 2023", "Эшелон — 2023", "Барьер — 2023" окуулары өтүп жатат.

Автор: Максуда Кудайбердиева