Коомдук транспорт айдоочуларына 150 миң сом айып салынды

Өлкөдө "Коомдук транспорт" аталышында рейд жүрүп, анын айдоочуларына 150 миң сом салынды. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалымдалгандай, рейд жүргүнчүлөрдү ташыган маршурттук унаалардын техникалык абалын текшерүү максатында жүргүзүлгөн.

Анын жүрүшүндө коюлган талаптарды аткарбай, жол эрежесин бузганы үчүн айдоочуларга жалпысынан 150 миңден ашуун айып салынды.

Тиешелүү кызматкерлер унаа кырсыктарынын алдын алуу максатында мындай рейддик иш-чараларды мындан ары да улантат.

Автор: Максуда Кудайбердиева
Фото: Жол кыймылынын коопсуздугун камсыздоо башкы башкармалыгы