Салык кызматы 8 айда 150 миллиард сомдон ашык акча каражатын чогултту

Акыркы 5 жылдын 8 айындагы салык жана камсыздандыруу төгүмдөрүн жыйноо динамикасы боюнча маалымат таратты. Бул тууралуу бүгүн, 8-сентябрда аталганмекемеден билдиришти.

Маалым болгондой, Мамлекеттик салык кызматы ушул жылдын январь-август айларында 158 миллиард 25,9 миллион сом чогултуп, белгиленген пландан 2,1 миллиард сомго ашык жыйнаган.

"Ага ылайык, акыркы жылдарда байкалган салык жана камсыздандыруу төгүмдөрүн чогултуунун туруктуу өсүү тенденциясын чагылдырат.

Контролдук-кассалык машиналар, электрондук товардык-транспорттук коштомо кагаздар жана электрондук эсеп-фактуралар, аналитикалык онлайн платформалар сыяктуу заманбап чечимдерди киргизүү салыктарды эсепке алуу жана чогултуу процессин бир топ жеңилдетти", - деп айтылат маалыматта.

Мындан тышкары жүргүзүлүп жаткан аналитикалык иштер ишкердик ишти көмүскөдөн чыгарууга мүмкүндүк берип, бул өз кезегинде салык чогултуунун натыйжалуулугун жогорулатты.

Автор: Гүлкайыр Абдиманнап кызы