"25, 25. Сүйүү багы бышкан кез". Саясатчы Темирлан Султанбеков ырдап чыкты

Бүгүн, 12-сентябрда саясатчы Темирлан Султанбеков 25 жашка чыкты. Туулган күнүн утурлай ал "25 жаш" аттуу ырды ырдап чыкты. Ырдын видео вариантын саясатчы социалдык тармактагы баракчасына жүктөгөн.

Социалдык тармактын колдонуучулары саясатчыны куттуктап, анын талантына баа берип жатышат.

"Социал-демократтар" партиясынын лидери Темирлан Султанбеков 1998-жылы 12-сентябрда Ысык-Көл облусунун Балыкчы шаарында аскер кызматкерлеринин үй-бүлөсүндө туулган.

Ал Улуттук изилдөө университетинин Экономикалык жогорку мектебинин Дүйнөлүк экономика жана дүйнөлүк саясат факультетинде Эл аралык мамилелер программасы боюнча билим алган.