Күрөш: Акжол Махмудов Белграддагы экинчи атаандашын укмуштуудай көтөрүп чапты (видео)

Кыргыз балбаны Акжол Махмудов Белград шаарында өтүп жаткан күрөш боюнча Дүйнө чемпиондугунун чейрек финалына чыкты.

1/8 финалда Акжол Махмудов египеттик балбан менен кез келди. Анда биринчи бөлүктө кыргыз балбаны атаандашынын артына өтүп, андан кийин аны укмуштуудай көтөрүп чаап, 4 упай алды.

Экинчи бөлүк башталары менен Акжол Махмудов атаандашынын артына кайра өтүп, эсеп санын 9:0гө айлантты.

Муну менен Акжол Махмудов Дүйнө чемпиондугунун 1/4 финалына чыкты. Анда кыргыз балбаны өзбекстандык Арам Варданян менен кез келет.