"4 жылдан кийинки тарых". Айсулуу Тыныбекова Дүйнө чемпиону болгондон кийин билдирүү жасады (видео)

Кечээ, 21-сентябрда кыргыз балбан кызы Айсулуу Тыныбекова Белградда өтүп жаткан Дүйнө чемпиондугунда алтын байге утту.

Финалда кыргыз балбаны япониялык Сакура Мотоки аттуу балбан менен кез келип, атаандашын 4:1 эсебинде жеңди.

Финалдык беттештен кийин Айсулуу Тыныбекова кайрылуу жасап, бул жеңиш 4 жылдан кийинки тарыхый жеңиш экенин белгиледи.

"Жалпы командабыз менен алтынга максат коюп келгенбиз. Анткени быйылкы Дүйнө чемпиондугу Олимпиада оюндарынын алдындагы чемпионат. Бардыгы билгендей эле абдан күчтүү, жогорку деңгээлде өтөт. 4 жыл мурун биринчи жолу тарых жаратып, биринчи алтын байгеге ээ болгом. 4 жылдан кийин ушундай дагы бир жолу тарых жаратып жатабыз.

Бул жеке менин эле медалым эмес, бул медалдын аркасында канча деген эмгек, мээнеттин аркасы менен ушул байгеге жетип жатабыз. Азыркы учурда сүйүнүчүмдө чек жок, Аллага шүгүр, бүгүнкү күнгө жетип жатканыбызга", - деди Тыныбекова.

Ошондой эле ал кыргызстандыктарга, президентке, федерация жетекчилерине жана күйөрмандарына ыраазычылыгын билдирди.

Айсулуу Тыныбекова карьерасында үчүнчү ирет Дүйнө чемпиону болду. Буга чейин ал 2019-жылы Астанада, 2021-жылы Ослодо өткөн Дүйнө чемпиондугунда алтын байге уткан.

Айсулуу Тыныбекова Дүйнө чемпиону болгондон кийин билдирүү жасады

Автор: Азат Бейшенбеков

10:42 22-09-2023

Жазылуу

РУБРИКАДАГЫ СОҢКУ КАБАРЛАР

13:41 2024-05-19 | Саясат

Өзгөчө кырдаалдар министрлиги шашылыш кайрылуу жасады 201 0

13:26 2024-05-19 | Маданият, шоу-бизнес

Ырчы Кызсайкал Кабылова көз жарды 440 0

12:22 2024-05-19 | Кылмыштар, кырсыктар

Жыргалаң суусуна 7 жана 8 жаштагы эки кыз түшүп кетти 420 0

11:48 2024-05-19 | Түркүн дүйнө

Пакистанга Бишкекте окуган студенттер отурган учак конду 1540 0

11:05 2024-05-19 | Коом жана турмуш

Пакистандын тышкы иштер министри Кыргызстанга келет 1122 0

10:10 2024-05-19 | Кылмыштар, кырсыктар

Оштогу Ак-Буура дарыясына аял киши агып кеткен. Куткаруучулар анын жансыз денесин алып чыгышты (видео) 1511 0

Архив

Комментарийлер (1)

Azat-123

2023-09-22 13:26:00

Аллага шүгүр деп жөнөкөйлүгүн көргөзгөн Айсулууга терең таазим этем, спорт жаатында намысыбызды коргоп жаткан кыздарыбыздын эмгегин баалап жаткан Казак бир тууганым сага да рахмат

Комментарий калтыруу үчүн өз ысымыңыз менен кириңиз же каттоодон өтүңүз.