Супер концерттин 2-күнү башталды

Бүгүн, 14-декабрда Т.Сатылганов атындагы Улуттук филармонияда "Супер концерт-2013түн" экинчи күнү өтүп жатат. Учурда эл залдан орун алып, концерт башталды. Элдин маанайы беш.

Концертти "We`ll be" бий тобу ачты. Алар менен кошо ырчылар Асел Кадырбекова, Дайыр Исмадияров, Даниель, Жоодарбешим, Нурмат Садыров, Аваз Акимов жана Малика-Дина бийлөөдө.

Эске салсак, кечээ, 13-декабрда Супер концерттин биринчи күнү өтүп, анда жарым жылдан бери жүргүзүлүп жаткан "Супер сулуу-2013" сынагынын жеңүүчүсү аныкталды. Жыйынтыгында, Керемет Жеңишова "SUPER.KG ажары-2013", Айзуура Иманалиева "Сымбаттуу сулуу-2013", Рахима Кускакова "Ажарлуу сулуу-2013" наамдарына ээ болушту. Ал эми "Супер сулуу-2013" наамына Орункүл Шабралиева ээ болду. Ага баалуу таштар чөгөрүлүп жасалган күмүш таажы кийгизилип, экзотикалык өлкөлөрдүн биринде эс алып келүүгө жолдомо тапшырылды.

Автор: Дамира Арстанова
Фото: Адилет Бектуров