Токтогулда 15 жаштагы кызды зордуктоого шектелген жаран кармалды

Жалал-Абад облусунун Токтогул районунда 15 жаштагы кызды зордуктоого шектелген 36 жаштагы жаран кармалды. Бул тууралуу облустук милициянын басма сөз кызматынан билдиришти.

Кабарлангандай, окуя тууралуу милицияга 21-сентябрга караган түнү саат 02:00 чамасында билдирүү түшкөн.

Аталган факты Токтогул РИИБинин кылмыштардын бирдиктүү реестрине Кылмыш-жаза кодексинин 154-беренеси (Зордуктоо) менен катталып, кылмыш иши козголуп, тиешелүү экспертизалар дайындалган.

Окуяга шектүү катары 1987-жылы туулган Б.А. кармалып, убактылуу кармоочу жайга киргизилген. Ал 10 жылдан бери жабырлануучу кыз жашаган үйдүн үй жумуштарына жардам берип жашап жүргөнү кошумчаланды.

Автор: Максуда Кудайбердиева