"Автоураган" Баткенде". 3 күн ичинде 100дөн ашык унаа айып короосуна токтотулду

Жол кыймылынын коопсуздугун камсыздоо башкы башкармалыгынын Издөө бөлүмү "Автоураган" аппараттык комплекси менен Баткен облусунун аймагында рейд өткөрүүдө. Бул тууралуу бүгүн, 26-сентябрда ЖКККББдан билдиришти.

Маалыматка ылайык, рейддин жүрүшүндө 3 күн ичинде жалпысынан 119 автоунаа кармалып, убактылуу айып короо жайына токтотулган.

Алардын ичинен:

- каттоосу убактылуу токтотулуп, издөөдө жүргөн 108 авто унаа;

- соттун чечими менен издөөдө жүргөн 3 авто унаа;

- айып пулун өз убагында төлөбөгөн 2 авто унаа;

- жасалма мамлекеттик номур менен жүргөн 2 авто унаа;

- терезелерин мыйзамсыз караңгылаткан 2 авто унаа.

Мындай рейддик иш-чаралар башка облустарда да уланат.

Автор: Гүлкайыр Абдиманнап кызы