Бишкекте велосипед уурдоого шектелип 42 жаштагы жаран кармалды

Бишкекте велосипед уурдоого шектүү жаран кармалды. Бул тууралуу бүгүн, 3-октябрда Ленин райондук милициясынан билдиришти.

Кабарлангандай, 30-сентябрда милицияга аял киши кайрылып, ошол эле күнү болжол менен саат 09:30да белгисиз адамдар 23 миң сомдук TPINX велосипедин уурдап кеткенин билдирген.

Аталган факты боюнча Кылмыш-жаза кодексинин 205-беренеси (уурдоо) боюнча кылмыш иши козголгон.

Тергөө иштеринин натыйжасында шектүү катары 42 жаштагы К.М. аттуу жаран кармалган. Ал уурдалган велосипедди кайтарып берген.

Учурда иликтөө иштери уланууда.

Автор: Максуда Кудайбердиева