Акжол менен Жоламан Азия оюндарынын финалына чыкты

Коңшу Кытайдын Ханчжоу шаарында өтүп жаткан Азия оюндарында эки кыргыз балбан финалга чыкты.

77 килограмм салмакта Акжол Махмудов жарым финалда казакстандык Азат Сыдыков менен кез келип, атаандашын 9:0 эсебинде жеңди.

Ал эми 60 килограмм салмакта Жоламан Шаршенбеков жарым финалда Өзбекстандык балбан Исломжон Бахромов менен кез келип, ал дагы 9:0 эсебинде жеңишке жетти.

Акжол Махмудов финалда ирандык Амин Кавиянинежад менен күрөшөт. Ал эми Жоламан Шаршенбеков япониялык Аята Сузуки жана казакстандык Айдос Султангали аттуу балбандардын жеңүүчүсү менен күрөшөт.

Автор: Азат Бейшенбеков