Бишкекте мыйзамсыз курулган унаа жуучу жай бузулууда

Бишкекте мыйзамсыз курулган унаа жуучу жай алынууда. Бул тууралуу бүгүн, 4-октябрда Бишкек мэриясынан билдиришти.

Маалыматка караганда, Бишкек жер пайдаланууну контролдоо боюнча башкармалыгы Токомбаев көчөсүнүн №1 үйдүн боюнда жайгашкан, жалпы аянты 150 чарчы метрди түзгөн, жеңил конструкциядан курулган унаа жуучу жайды демонтаждоодо.

"Жеринде башкармалыктын кызматкерлери "Тазалык" муниципалдык ишканасынын кызматкерлери менен биргеликте иш алып барууда", - деп айтылат маалыматта.

Буга чейин башкармалык тарабынан мыйзамсыз унаа жуучу жайдын курулушу аныкталып, мыйзамдын негизинде мыйзамсыз курулуштардан бошотуу жөнүндө билдирүү берилген.

Автор: Гүлкайыр Абдиманнап кызы
Фото: Бишкек мэриясы