"Колуна үтүк басып кыйнаган". Акыйкатчы институту күйөөсүнөн зомбулук көргөн аял боюнча билдирүү жасады

Бишкекте 34 жаштагы аялдын жарандык никедеги күйөөсү тарабынан зомбулукка кабылганы аныкталды. Бул тууралуу Акыйкатчы институтунан билдиришти.

Аталган мекемеге 1985-жылы туулган Э.У. аттуу күйөөсү тарабынан зомбулукка кабылганын айтып, жабырлануучу арыз менен кайрылган.

Маалым болгондой, 14-сентябрда жабырлануучуну жарандык никедеги күйөөсү сабап, зордуктаган. Ошондой эле колун үтүк менен басып кыйнаган.

Жабырлануучунун айтымында, окуя учурунда анын кичинекей кызы коңшу бөлмөдө болгон.

"34 жаштагы аял үйдөн кийими жок качып чыгып, жанында жашагандардан жардам сураган. Коңшулары аны жумушуна баруусуна жардам көрсөтүшкөн. Ал жерден тиешелүү жардам көрсөтүлгөндөн кийин ал милицияга кайрылган",- деп айтылат маалыматта.

Жабырлануучунун жактоочусу 15-сентябрда тиешелүү органдын кызматкерлери шектүүнү кармаганын, 16-сентябрда Октябрь райондук соту аны эки айлык мөөнөткө СИЗО-1ге камакка алуу түрүндөгү баш коргоо чарасын тандаганын билдирген. Ошондой эле жактоочу аялдын бир нече жылдан бери зомбулукка кабылганын жана тиешелүү органдарга кайрылуудан коркуп жүргөнүн айткан. Маалыматка караганда, шектүү American school ЖЧКсынын директору.

Жабырлануучу сот шектүүнү камактан бошотуп жибериши мүмкүн деп кооптонгонун жана кайрадан зомбулукка кабылып калуудан коркуп жатканын билдирген.

Мекемеден билдиргендей, каршы тарап соттун чечимине каршы жогорку инстанцияга кайрылган. Бүгүн, 6-октябрда Бишкек шаардык соту арызды карайт.

Ал эми Акыйкатчы институту укук коргоо, сот жана прокуратура органдарынан жарандык никедеги күйөөсү тарабынан зомбулукка кабылган аялга жардам берүүгө чакырган.

Автор: Ширин Марат кызы

15:55 06-10-2023

Жазылуу

РУБРИКАДАГЫ СОҢКУ КАБАРЛАР

00:18 2025-05-19 | Түркүн дүйнө

Журналист Аргентинанын президентинин бетине микрофонун тийгизип алды (видео) 253 0

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 796 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 1351 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 688 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 571 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 2119 0

Архив

Комментарийлер (1)

uuloskoaa

2023-10-07 15:23:00

Бул бардык Виаградан жакшыраак. Мен баарына өмүрүндө жок дегенде бир жолу сынап көрүүнү сунуштайм - бул сиздин жыныстык жашооңузду бир топ жакшыртат, өзүңүз окуңуз ----->> https://mub.me/etrax

Комментарий калтыруу үчүн өз ысымыңыз менен кириңиз же каттоодон өтүңүз.