Ошто "Женго" жана "Казактын" кылмыштуу топторунун активдүү мүчөлөрү кармалды (фото)

Ош облусунда уюшкан кылмыштуу топтун активдүү мүчөлөрү кармалды. Бул тууралуу бүгүн, 10-октябрда УКМКнын маалымат кызматынан билдиришти.

Маалымдалгандай, атайын кызмат тарабынан уюшкан кылмыштуу топторго каршы күрөштүн алкагында 8-октябрда “Женго” каймана аты менен белгилүү болгон Кадыр Досоновдун уюшкан кылмыштуу тобунун активдүү мүчөлөрү кармалган.

Алар: 1995-жылы туулган М.у.Х., 1993-жылы туулган Ю.У., 1978-жылы туулган А.Ы. 1993-жылы туулган Р.А., 1986-жылы туулган Ош облусунун Өзгөн районунун “кароочусу” болгон Т.И., 2000-жылы туулган “топтун” мүчөсү А.у.Б. жана 1997-жылы туулган “топтун” дагы бир мүчөсү, ошондой эле “Казак” деген каймана аты бар уюшкан кылмыштуу топтун мүчөсү дагы болуп саналган Ж.Д. экени белгилүү болду.