Жалал-Абадда Назарбек Шералиев кылмыштуу чөйрөнүн идеологиясын колдобой тургандыгын айтты

Бүгүн, 10-октябрда Жалал-Абад облустук милициясы Назарбек Шералиев кылмыштуу чөйрөнүн идеологиясын колдобой тургандыгын билдиргенин маалымдады.

Ага ылайык, Жалал-Абад ОИИБдин кылмыш иликтөө бөлүмүнүн кызматкерлери профилактикалык иштерди жүргүзгөн.

"Кылмыштуу чөйрөдө орду чоң болгон, мурда бир нече жолу оор кылмыштар менен соттолгон Жалал-Абад шаарынын тургуну 1991-жылы туулган Назарбек Шералиев Камчы Асанбектин (Көлбаев) идеологиясын колдобой тургандыгын билдирди. Ал мындан ары Кыргыз Республикасынын мыйзамдарына баш ийип жашоого, эгерде мыйзам бузса жоопкерчилик тартууга даяр экендигин айтты", - деп айтылат маалыматта.