Бишкекте көмүр 4700 сомдон сатылып баштады (дареги)

Бишкекте көмүрдүн тоннасы 4 миң 700 сомдон сатылууда. Бул тууралуу Энергетика министрлигинин маалымат кызматынан билдиришти.

Маалым болгондой, "Кыргызкөмүр" мамлекеттик ишканасы Ден Сяопин көчөсү, 306 б дарегинде көмүрдү 4 миң 700 сомдон сатуу пунктун уюштурган. Бүгүнкү күндө 800 тонна көмүр бар экени айтылды.

"Бюджеттик мекемелер, социалдык объектилер жана калк үчүн 2-сентябрдан баштап көмүр ташылып, күнүнө 5-6 миң тоннага жакын көмүр же 200-250 унаа көмүр ташылып келет",-деп айтылат маалыматта.

Белгилей кетсек, жакында төмөндөгү даректерге 4 миң 700 сомдон көмүр ташылып келери күтүлүүдө.

-Мурман көчөсү 126;

-Алыкулов 6 б;

-Алматы-Объезд (кесилиште);

- Төмөнкү Ала-Арча айылы (Курманалиев көчөсү б/н).

Автор: Ширин Марат кызы