Айчүрөк Иманалиева, калыстар тобунун төрайымы: "Супер-Инфонун" наамдары жаш ырчылар үчүн стимул болчу сыйлык"

Бишкекте бүгүн, 14-декабрда Токтогул Сатылганов атындагы Кыргыз улуттук филармониясында "Супер-Инфо" гезитинин жылдын суперлерин аныктаган концерти өтүүдө. "Супер концерт-2013тө" жеңүүчүлөргө наамдар боюнча сыйлыктар тапшырылып жатат.

Калыстар тобунун төрайымы Айчүрөк Иманалиева жыл жыйынтыгын чыгаруучу “Супер концертти” жакшы жышаан экенин айтып өттү.

“Тамга тааныгандан улуу муунга чейин сүйүп окуган “Супер-Инфо” гезитинин концерти жакшы маанайда өтүүдө. Бул жаштар үчүн жаңы кадамдардын, жаңы ийгиликтердин башаты деп ишенем. Мен үчүн калыстар тобунун төрайымы болуу да сыймык. Сынактарга катышып жүргөндүктөн, бардык катышуучулардын азыркы абалын жакшы түшүнөм”,- деди Айчүрөк Иманалиева.

Автор: Айпери Ганыжан кызы
Фото: Айпери Ганыжан кызы