Хабиб Нурмагомедов Газадагы ооруканага жасалган соккуну кескин айыптады

UFC уюмунун мурдагы чемпиону, орусиялык мушкер Хабиб Нурмагомедов Израилдин Газадагы "Аль-Ахли" ооруканасына жасаган соккусун кескин айыптады.

"Балдар жана качкындар толгон оорукананы бомбалоо тынчтыкка карай жол эмес. Бул геноцид", - деп жазды мушкер социалдык тармактагы баракчасына.

Газа тилкесиндеги ооруканага кол салуу 17-октябрда болгон. Акыркы маалыматтар боюнча соккудан ооруканадагы 500дөй адам каза болуп, 300дөй адам жабыркаган. Жеринде издөө-куткаруу иштери уланууда, андыктан бул акыркы сандар эмес.

Автор: Азат Бейшенбеков