Бишкекте орус драма театрынан өрт чыкты

Бүгүн, 20-октябрда Бишкек шаарынын Касым Тыныстанов көчөсүндө жайгашкан орус драма театрынан өрт чыкты. Бул тууралуу ӨКМдан маалымдашты.

Маалымдалгандай, андагы адамдар имараттан чыгарылды. Өрттүн келип чыгышына костюмдар бөлмөсү жайгашкан жетинчи кабаттагы электр зымдарынын кыска туташуусу себеп болушу мүмкүн.

"Өрттү өчүрүүгө саат 13:53тө Свердлов райондук №3 ӨКБдан 1, саат 14:00дө Биринчи Май райондук №4 ӨКБдан 1, саат 14:00дө Октябрь райондук №5 ӨКБдан 1, саат 13:53тө Октябрь райондук №7 ӨКБдан 1, жалпысынан 4 күжүрмөн эсеп, штаб жана ЦУКСтан ыкчам топ тартылган", - деп айтылат билдирүүдө.

Кошумча маалымат берилет.

Автор: Максуда Кудайбердиева