"Тарбайтып койсок "лопух" болуп калат". Мирлан Самыйкожо желекти өзгөртүүгө каршы экенин айтты (видео)

Бүгүн, 25-октябрда Жогорку Кеңештин жыйынында депутат Мирлан Самыйкожо желекти өзгөртүүгө каршы экенин билдирди.

"Биз коомдо эмне болуп жатса ошону айтып турууга милдеттүүбүз. Мен жалкып калдым, бир нерсенин башы башталганда айтып калбасак бул жерге келгенде кечигип калат экенбиз. "Айткандын оозу жаман, ыйлагандын көзү жаман" болуп калат экенбиз.

Бүгүнкү күндө коомдо желегибизди өзгөртүү боюнча маселе көтөрүлүп жатат. Буга коомчулуктун дээрлик көпчүлүгү каршы болуп жатат. Биз желектен башка нерселерибизди эле жасайлычы. Биздин жакшынакай желегибиз - бул күндүн нуру. Биздин ата-бабаларыбыз ошол кезде эле үстүнөн караганды билиптир, дагы бир нерсеси коломто дегенди дагы түшүндүрөт. Бул оттун, жалындын, нурдун белгиси го. Биз арбайтып-тарбайтып койсок "лопух" болуп калат, кыргызчасы уйгак", - деди Самыйкожо.

Депутаттын бул сөзүнө төрага Нурланбек Шакиев дароо жооп берди.

"Ал жерде туу өзгөрбөйт, ал жерде эч кандай жаңы элементтер болбойт. Кечээ биз туунун авторлору менен дагы жолуктук, алар "Биз баштагы тууну тааныбай калдык" деп айтып жатышат. Түндүктүн кандай турганын өзүңүз көрүңүз, таптакыр башкача. Биз баштапкы калыбына алып келип коёлу деген эле максат", - деди Шакиев.

Мирлан Самыйкожо тууну өзгөртүүгө каршы экенин айтты

Автор: Азат Бейшенбеков

10:53 25-10-2023

Жазылуу

РУБРИКАДАГЫ СОҢКУ КАБАРЛАР

12:32 2025-05-13 | Кылмыштар, кырсыктар

Жер сатам деп акча алган. Сокулукта алдамчылыкка шектүү аял кармалды 221 0

12:22 2025-05-13 | Коом жана турмуш

Элчи Авазбек Атаханов кызматынан бошотулду 305 0

11:37 2025-05-13 | Кылмыштар, кырсыктар

"Кызганычтан улам жашырып коюшу мүмкүн". Бишкекте күйөөсү менен аялы изделүүдө 936 1

11:11 2025-05-13 | Кылмыштар, кырсыктар

"Манас" аэропортунда эл аралык издөөдө жүргөн чет өлкөлүк жаран кармалды 492 0

11:00 2025-05-13 | Түркүн дүйнө

Индия Пакистанга сокку урууну токтотконун билдирди 620 0

10:58 2025-05-13 | Маданият, шоу-бизнес

Ырчы Азиз Батыровдун апасы каза болду 1242 0

Архив

Комментарийлер (1)

Uri24

2023-10-25 11:04:00

Желеке эмнеге асылып жатышат. Азыркы желекте эч куноо жок. Башка кылаар жумуштары жокпу. Бөрк ал десе, баш алган депутаттар. Желекти эмес, жашоо турмушту өзгөртүү керек.

-1

Комментарий калтыруу үчүн өз ысымыңыз менен кириңиз же каттоодон өтүңүз.