Селекцияда кулак-мурду кескиленген Асел Ногойбаева: "Күзгүдөн өзүмдү көрдүм"

20-сентябрда Бишкектин четиндеги Селекция айылында мурдагы күйөөсү кулагы менен мурдун кесип салган Асел Ногойбаева үй-бүлөгө жардам бергендердин баарына ыраазычылык билдирди. Кайрылуу ал үчүн атайын ачылган Instagram баракчасында жарыяланды.

"Мен үйдөмүн, балдарым жанымда. Жакын адамдарымдын баары жанымда. Азыр өзүмдү кабыл алуунун бир нече этаптарынан өтүп жатам. Депрессия, тануу, ачуулануу, соодалашуу жана кичипейилдик. Кантип өзүмө келүү керек, эмне болгонун түшүнөмбү? Мен өзүмдү кантип кабыл аларымды билбейм, бул мен үчүн абдан кыйын”, - деп жазган Асел.

"Жашоом “мурда” жана “кийин” болуп экиге бөлүндү. Өткөнгө ыраазымын, бактылуу көз ирмемдер көп болду. Өткөнгө чөгүп, үй-бүлөлүк жашоонун кайгылуу учурларын эстегим келбейт. Мен келечекти, балдарымдын келечегин ойлоп жатам. Балдарым мага стимул, күч-кубат, үмүт, сүйүү берет. Мен аларга абдан байланып калдым. Өзүмдү толугу менен балдарыма арнадым, өзүмдү аябастан, жумасына жети күн иштеп, аз уктадым, алар үчүн гана жашайм. Балдарымсыз өзүмдү элестете албайм.

Келечекте өзүмдү эки бойго жеткен, билимдүү, сулуу уулдардын энеси катары көрөм. Операциялар эски жүзүмдү кайтарат деп үмүттөнөм. Ал эми уулдарымдын бүтүрүү кечелерине катыша алам. Балдардын жашоосуна аралашкым келет. Алар менин жүзүмдү калыбына келтире алышпайбы деп абдан кооптонуп жатам, бирок мен өзүмдү эң жакшы нерсеге коюуга аракет кылып жатам. Мен күзгүдөн өзүмдү көрдүм. Бул абдан коркунучтуу түн болду, аны кайра көргүм келбейт", - деп жазды ал.

Автор: Азат Бейшенбеков