Парижде учак 30 жүргүнчүсүн аэропортко унуткан бойдон учуп кетти

Түрк аба компаниясынын учагы аэропортто 30 жүргүнчүсүн унуткан бойдон Парижден Измирге учту. Бул тууралуу чет элдик басылмалар жазышты.

Маалыматка ылайык, Париж-Измир каттамы "Шарль де Голль" аэропортунда саат 17:00дө учушу керек болчу, бирок үч саатка кечигүү жарыяланган. Кечки саат 20:00гө чейин учуу убактысы тууралуу маалымат чыккан эмес.

Саат 20:00гө жакын жүргүнчүлөр уюлдук телефонунан каттамды карашканда учак учуп кеткени белгилүү болгон. Жүргүнчүлөр авиакомпаниядан түшүндүрмө алуу аракетинен эч майнап чыкпай, алар кийинки каттамды күтүүгө аргасыз болушкан.

Автор: Азат Бейшенбеков