Кадамжайда тоого кеткен жаран бутун кокустатып алган. Куткаруучулар аттар менен барышты

Кадамжай районунда тоого барып, бутун кокустатып алган жаран куткарылды. Бул тууралуу Өзгөчө кырдаалдар министрлигинен кабарлашты.

Кадамжай районунун Эки-Даван жайлоосунда Айдаркен шаарынын 3 тургуну тоого чыгып, алардын бири А.А аттуу 1970-жылы туулган жаран кулап кетип, бутун жабыркатып алган.

Жерине саат 14:02де унаа менен 6 куткаруучу, ат менен аталган взводдон 1 жана №77 Өрткө каршы куткаруу бөлүгүнөн 4 куткаруучу жөнөп кетишкен.

Саат 16:30да жерине барган куткаруучулар жабыр тарткан жаранга керектүү медициналык жардам көрсөтүп, саат 19:58де Айдаркен шаардык ооруканасына жеткиришкен.

Учурда аталган жарандын абалы жакшы.

Автор: Азат Бейшенбеков