"Жаш кыздар". Чүйдө дагы бир нече сойкукана аныкталып, "сутенёрлору" кармалды

Чүй облусунун жана Бишкек шаарынын аймагында чет элдиктер жана Кыргыз жарандары үчүн интимдик жайларды уюштурган адамдардын ишмердүүлүгүнө бөгөт коюлду. Бул тууралуу УКМК кабарлады.

Маалыматка ылайык, 10 сойкукана жана 1 салон аныкталып, алардын ишмердүүлүгүндө 18 жаштан 25 жашка чейинки кыздар интимдик кызмат көрсөткөндүгү аныкталган.

"24-ноябрда жүргүзүлгөн атайын тергөө иш-чараларынын жүрүшүндө (тесттик сатып алуу) Шопоков шаарында, Сокулук айылында, Кант шаарында, Токмок шаарында, Беловодск айылында жайгашкан даректерде фото жана видео жазуу менен Чүй облусуна, ошондой эле шаарга Бишкек шаарында сексуалдык кызмат көрсөтүүчү сойкуканалардын мыйзамсыз иштери катталды.

Жүргүзүлгөн иликтөө иш-чараларынын жыйынтыгы менен аталган. «Сутенёрлор», 7 адам кармалып, аталган мекемелердин ээлери, уюштуруучулары жана администраторлору «А.Т.», «М.Х.», «Р.Э.», «Ж.Ж», «Т.Б.», «Г.Д.», «Б.Т.» жана кылмыш-процессуалдык кодексинин 96-беренесине ылайык, алар УКМКнын убактылуу кармоочу жайына киргизилди", - деп билдиришти УКМКдан.

Белгилей кетсек, бул интимдик жайлар караоке-клуб атын жамынып иштеген жана Түштүк Корея менен Кытайдын жарандары үчүн кызмат көрсөтүлгөн. Интимдик кызмат көрсөтүүгө тартылган аныкталган кыздардын жалпы саны 67 адамды түздү.

Учурда жогоруда аталган сойкуканалардын мыйзамсыз иштерине жетекчилик кылууга катышкан укук коргоо органдарынын кызматкерлерин кылмыш жоопкерчилигине тартуу максатында кошумча тергөө-ыкчам иш-чаралары жүргүзүлүүдө.

Автор: Азат Бейшенбеков