"Желегимди жерибе!". Желекти өзгөртүүгө социалдык тармактарда кандай пикирлер айтылып жатат?

Кечээ, 29-ноябрь Жогорку Кеңештин жыйынында мамлекеттик тууну өзгөртүү маселеси каралып, эл өкүлдөрү мыйзамды биринчи окууда кабыл алышты. Буга байланыштуу коомчулук социалдык тармактар аркылуу өз пикирлерин билдирүүдө.

Төкмө акын Жеңишбек Жумакадыр социалдык тармактагы баракчасына "баарына сен күнөөлүүсүң желек" деген ыр жазып какшыктады.

Акындын ырын тамашоучу, актёр Актан Рыскелдиев сторисине коюп, мен дагы каршымын деп жазган.

Жаратман подкасынын автору Урмат Насыкулов болсо, фейсбук баракчасына "Желегимди жерибе!" деген билдирүү калтырды.

Ал эми жаш акын Саид Султан-Али инстаграм баракчасына пост жүктөп, "Садыр Нуркожоевич, элдин үнүнө кулак салыңыз" деп кайрылуу кылды.

Журналист, алып баруучу Айзада Жамгырчиева эл өкүлү Арсланбек Малиевдин туунун түсүн дагы көк кылалы деген сунушун сынга алып, көк түстөгү желектин сүрөтүн жүктөдү.