Бишкекте 2005-жылкы кызды сойкулукка үндөгөнгө шектелип 23 жаштагы кыз кармалды

Бишкекте жашы жете элек кызды сойкулукка үндөөгө шектүү жаран кармалды. Бул тууралуу Бишкек шаардык ички иштер башкы башкармалыгынан билдиришти.

Билдирүүгө ылайык, 1-декабрда милицияга Д.К. аттуу жаран арыз менен кайрылган. Арызында ал жашы жете элек 2005-жылы туулган небересин үч ай бою интимдик кызмат көрсөтүүсүнө ортомчулук кылган Н. аттуу кызга чара көрүп берүүнү суранган.

Бул факты боюнча кылмыш иши козголгон.

Козголгон кылмыш ишинин алкагында ыкчам-изилдөө иш-чараларынын негизинде кылмышка шектүү катары 2000-жылы туулган К.Н. аттуу кыз кармалды. Шектүү Бишкек шаардык ички иштер башкы башкармалыгынын убактылуу кармоочу жайына киргизилди.

Учурда кылмыш иши боюнча тергөө иштери уланууда.

Автор: Азат Бейшенбеков