Тоңдо айыл өкмөттүн орун басары 100 миң сом пара берип жатканда кармалды (фото)

Күн-Чыгыш айыл өкмөтүнүн орун басары пара берип жаткан жеринен кармалды. Бул тууралуу УКМК кабарлады.

5-декабрда козголгон кылмыш ишинин алкагында Күн-Чыгыш айыл өкмөтүнүн орун басары Б.Ш. УКМКнын кызматкерине 100 миң сом өлчөмүндө пара берип жаткан жеринен кармалган.

Такталгандай, УКМК кызматкерине Ысык-Көл облусунун Тоң районунун Күн-Чыгыш айыл өкмөтүнүн кызмат адамдары тарабынан 2 жарым миллион сомго автотранспорт каражаттарын сатып алуу боюнча өткөн тендердеги мыйзамдардын бузууларды текшерүүнү токтотуу маселесинде оң чечим чыгаруу үчүн пара катары берилгени аныкталды.

Учурда тергөө иштери жүрүп жатат.

Автор: Азат Бейшенбеков