Чүй облусунда жыл башынан бери 1555 жол кырсыгы катталган

Чүй облусунун аймагында жыл башынан бери 1555 жол кырсыгы катталган. Бул тууралуу Чүй ОИИББинин басма сөз кызматынан билдиришти.

Маалыматка ылайык, өткөн жылы 10 айда 1360 кырсык катталган. 2013-жылы январь-октябрь айларындагы жол кырсыктарынан 313 адам каза болуп, 2 миңден ашуун адам жаракат алган.

Мындан сырткары жол кырсыктарынан 36 бала каза таап, 339у жаракат алган. Балдардын катышуусундагы кырсыктар өткөн жылга салыштырмалуу 10 пайызга көбөйгөн.

Азыркы тапта Жол-кайгуул кызматынын инспекторлору “Рулда” аттуу профилактикалык иш-чараларды өткөрүшүүдө.

Автор: Айпери Ганыжан кызы