Бишкекте №67 мектеп-гимназиясынын окуучулары кайрадан эвакуацияланды

Бүгүн, 18-декабрда Бишкек шаарындагы №67 мектеп-гимназиясынын окуучулары кайрадан эвакуацияланууда. Бул тууралуу жеринен күбөлөр билдиришти.

Ага ылайык, имараттын ичиндеги бардык окуучулар жана кызматкерлер сыртка чыгарылды. Буга чейин болжолдуу бомба коркунучу бар деген билдирүү түшкөн.

Белгилей кетсек, 1-декабрда да ушундай эле маалымат менен аталган мектептин окуучулар ы жана кызматкерлери эвакуацияланган.

Ошондой эле 15-декабрда милиция кызматкерлерине бир нече мекемеде бомба коюлганы тууралуу билдирүү келип, жарандар эвакуацияланган. Жыйынтыгында имараттардан эч кандай жарылуучу зат табылган эмес.

Автор: Арууке Амирдинова