Ысык-Ата районундагы автокырсыктан 5 адам жабыркады

Кечээ Чүй облусуна караштуу Ысык-Ата районунда катталган жол кырсыгынан 5 адам жабыркады. Бул тууралуу ИИМдин басма сөз кызматынан билдиришти. Маалыматка ылайык, 11-декабрь күнү Бишкек-Торугарт унаажолунун 10-чакырымында Тойота Ленд-Крузер жана Мерседес үлгүсүндөгү эвакуатор кагылышкан. Жыйынтыгында 5 адам жабыркап, ооруканага жеткирилди. Учурда бул иш боюнча териштирүү иштери жүрүүдө. ИИМдин алдын ала маалыматына таянсак, Тойота Ленд-Крузер унаасынын айдоочусу жолдун чийининен каршы чыга калган.

Автор: Айдай Асанбекова