УКМК Токмоктун "смотрящийин" кармады (фото)

К.Асанбектин уюшкан кылмыштуу тобунун активдүү мүчөсү кармалды. Бул тууралуу Улуттук коопсуздук мамлекеттик комитети кабарлады.

Маалыматка ылайык, К.Асанбектин уюшкан кылмыштуу тобунун активдүү мүчөсү, “Токмок шаарынын кароочусу” деп аталган К.Э.Ж. жеке ишкерден 5 миң доллар опузалап алуу фактысы боюнча кармалган.

Иликтөө ишинде ал коркутуу жолу менен ишкерден туруктуу негизде акча талап кылып алып турганы аныкталган.

Мурда бир нече жолу соттолгон К.Э.Ж. 1 000 доллар алып жаткан жеринен кармалып, Каракол ШИИБдин убактылуу кармоочу жайына киргизилген.

Учурда кошумча ыкчам-иликтөө иш-чаралары жүргүзүлүүдө.