Петровкадагы абакка минералдык суу деп 108 литр спирт ичимдигин киргизүүгө аракет кылган жаран кармалды

Абактагы соттолгондорго алкоголдук спирт ичимдигин жашыруун киргизүү аракетине бөгөт коюлду. Бул тууралуу бүгүн, 29-декабрда Жазаларды аткаруу кызматынын басма сөз кызматы билдирди.

Маалыматка ылайык, 27-декабрда саат 15:20 чамасында Петровка айылында жайгашкан №8 түзөөтүү мекемесинде соттолгон С.Уга бир тууганы С.М. 108 литр спирт ичимдигин киргизүүгө аракет кылган. Ал 1,5 литрлик Ысык-Ата суусундугунун идишине куюп алып келген.

Жыйынтыгында анын алдамчылыгы билинип, алынган суюктуктар экспертизага жөнөтүлгөн.

"Абакта колдонууга тыюу салынган буюмдарды соттолгондорго киргизүүгө аракет кылгандарга 17 500 сом айып салынарын эскертет", - деп айтылат маалыматта.

Автор: Кылымбек Бейшеев
Фото: Жазаларды аткаруу кызматы