"7 баш малын 500 миң сомго алып, акчасын бербей жүргөн". Базар-Коргондо издөөдө жүргөн жаран кармалды

Базар-Коргон милициясы тарабынан алдамчылыкка шектелип издөөдө жүргөн жаранды кармады. Бул тууралуу бүгүн, 29-декабрда Жалал-Абад ОИИБ билдирди.

Маалыматка ылайык, район тургуну милицияга арыз менен кайрылган. Анда ал 13-сентябрда 37 жаштагы тургун 7 баш малын 500 000 сомго алып, 1 жумада берем деген боюнча качып жүргөндүгүн билдирген.

Бул факты боюнча Кылмыш-жаза кодексинин 209-беренесине (Алдамчылык) ылайык кылмыш иши козголгон.

Иликтөө ишинин жүрүшүндө Ноокат районунун тургуну 1986-жылы туулган П.К. экендиги аныкталган. Бирок ал тергөөгө келбей изин жашырып жүргөндүгүнө байланыштуу издөө жарыяланган.

Үстүбүдөгү жылдын 22-декабрь күнү П.К. Ош шаарынын аймагынан кармалып, убактылуу кармоочу жайга киргизилген.

Учурда тергөө амалдары жүрүүдө.

Автор: Кылымбек Бейшеев
Фото: Жалал-Абад ОИИБ