Алымкадыр Бейшеналиев кызамыктан 9 бала чарчап калганын айтты

Өлкөдө баласын кызамыкка каршы эмдетүүдөн баш тарткан ата-энелердин саны 22 миңге жетти. Бул тууралуу бүгүн, 17-январдагы Жогорку Кеңештин жыйынында саламаттык сактоо министри Алымкадыр Бейшеналиев билдирди.

Бейшеналиев бул оорудан 9 бала чарчап калганын айтты.

"Диний түшүнүгүнөн улам кызамыкка каршы эмдөөдөн баш тарткандар көп болууда. Министрлик бул маселе боюнча Кыргызстан мусулмандар дин башкармалыгы менен иштешип жатат", - деди ал.

Бейшеналиев былтыр ноябрда өлкөдө баласын кызамык оорусуна каршы эмдетүүдөн баш тарткан ата-энелер 16 миңге жеткенин айткан.

Министрликтин ноябрдын соңундагы маалыматына ылайык, жыл башынан бери кызамык менен ооруган 4 484 учур аныкталган.

Автор: Бек Оморбеков
Фото: Иллюстрациялык сүрөт