Алайда дайынсыз жоголгон жарандын жансыз денеси табылды

Алайда өткөн жылдын 19-декабрынан бери дайынсыз жоголгон жарандын сөөгү табылды. Бул тууралуу бүгүн, 17-январда Өзгөчө кырдаалдар министрлигинен билдиришти.

Маалым болгондой, былтыр 19-декабрда Жаңы-Алай айылынын Жаңы-Конуш көчөсүнүн тургуну 1985-жылы туулган А.И. аттуу эркек киши үйүнөн чыгып кеткен бойдон дайынсыз болгондугу тууралуу маалымат 102 кызматынан 21-декабрь күнү түшкөн.

Ага ылайык, бүгүн, 17-январда издөө иштерин улантуу максатында Кара-Суу райондук №102 ӨКБдан авариялык-куткаруу унаасы менен 4 куткаруучу, ИИМден 2 кызматкер жана жергиликтүү тургундардан 15 адам тартылган.

Издөө иштеринин натыйжасында куткаруучулар саат 12:24 чамасында дайынсыз болгон жарандын сөөгүн табышты.

Автор: Айзада Кыдырмышева