Түркиядагы жер титирөө: Бийлик жаңы шаарды куруп бүттү (видео)

Түркиянын Элязыг шаарында 25 миңге жакын үй курулуп, айрым үйлөр 4 жыл мурунку жер титирөөдөн жабыркагандарга тапшырылды. Бул тууралуу TRT Haber жазып чыкты.

Маалыматка ылайык, аталган шаарда 2020-жылдын 24-январында болгон 6,8 баллдык жер титирөөдөн кийин болжол менен 25 миң үй, анын 16 миң 700ү борборунда курулган.

"Эпицентри Сивриже району болгон Элязыгда 37, Малатьяда 4 киши каза болуп, жүздөгөн киши жаракат алган.

24-январдагы жана андан кийинки жер титирөөлөрдөн 19 миңге жакын имарат катуу жабыркаган", - деп жазылат анда.

Кырсык болгон аймакта жаңы үйлөр Түркиянын турак-жай башкармалыгы (TOKİ) тарабынан курулганы айтылат.